نه‌قڵی بارزان و ده‌فته‌ری سیاسيی حدكا

وا دیاره‌ هێشتاش له‌قه‌شمه‌رئاوا ئه‌وه‌نده‌ گه‌وره‌ و گچكه‌یی ماوه‌ كه‌ كه‌س حازر نییه‌ له‌سه‌ر قه‌شمه‌رییاتی حه‌زره‌تی كامیل قه‌شمه‌رییه‌ك بنووسێ. جا تا براده‌ران خۆیان رێك ده‌خه‌نه‌وه‌ و ده‌ست ده‌كه‌نه‌وه‌ به‌ نووسین با نه‌قڵێكتان بۆ بگێڕمه‌وه‌.

ئه‌و بارزانه‌ی له‌ به‌رنامه‌ی به‌رنامه‌ دایه‌ له‌ پێشمه‌رگه‌ دێرینه‌كانی یه‌كێتییه‌ و كاتی خۆی له‌ خڕی ناوزه‌نگ (وه‌ك ده‌ڵێن) حیمایه‌ و نیگابانی مام جه‌لال بووه‌. هه‌ر به‌ هۆی قسه‌ خۆشه‌كانییه‌وه‌ ئه‌و كات مامه‌ كه‌یفی پێی هاتووه‌ و ئێستاش به‌ هۆی ئه‌وه‌ی مامه‌ پشتیوانی لێ ده‌كا ئاوا ده‌وێرێ له‌ به‌رنامه‌ی به‌رنامه‌ دا ره‌خنه‌ له‌ هه‌موو به‌رپرسان بگرێ.

ده‌ڵێن جارێك لێژنه‌یه‌كی ده‌فته‌ری سیاسیی حیزبی دێموكراتی كوردستانی ئێران سه‌ردانی مام جه‌لال ده‌كه‌ن. له‌به‌رده‌م باره‌گاكه‌ی مام جه‌لال بارزان ده‌بینن. داوای لێ ده‌كه‌ن مام جه‌لال له‌ هاتنی ئه‌وان ئاگادار بكاته‌وه‌. بارزان ده‌ڵێ: ئا تۆ خوا ئه‌زیه‌ت نه‌بێ بڵێم كێ هاتووه‌؟ ئه‌وانیش ده‌ڵێن: بڵێ چه‌ند كه‌سێك له‌ ده‌فته‌ری سیاسیی حیزبی دێموكراتی كوردستانی ئێران هاتوون. بارزانیش تۆزێك لێیان راده‌مێنێ و هه‌ر وا له‌سه‌ره‌خۆ ده‌ڵێ: ئا تۆ خوا ئه‌زیه‌ت نه‌بێ ئێوه‌ لاپه‌ڕه‌ی چه‌ندن؟

بۆچوونێكی سیاسی

حه‌فته‌ی پێشوو له‌بتابه‌كه‌م خراپ ببوو. چونكه‌ خۆم ده‌بوو بچم بۆ سلێمانی به‌ براده‌رێكم كوت بێ بۆم فۆرمات كاته‌وه‌. چه‌ندین جار جه‌ختم كرده‌وه‌ كه‌ فایلێك له‌ درایوی E  له‌ ناو ئه‌رشیڤه‌كه‌م دا هه‌یه‌ به‌ ناوی "كاك كامیل" ئه‌وه‌ هه‌موو ئه‌رشیڤی خۆمه‌ و سه‌رجه‌م وێنه‌ و نووسراوه‌ و وه‌گێڕان و بابه‌تی تایبه‌ت و چه‌ت و شتی وای تێدایه‌. ئه‌گه‌ر هه‌موو فایله‌كانی دیكه‌ش بفه‌وتێ نه‌هێلی ئه‌وه‌یان بفه‌وتێ. كوتی مهه‌ندیس گیان دڵنیا به‌.  30 دانه‌ (دی وی دی)م دایه‌ و رۆیشتم. كاتێ هاتمه‌وه‌ زانیم هه‌موو ئه‌رشیڤى له‌بتابه‌كه‌می خستۆته‌ سه‌ر دی وی دی جگه‌ له‌و فایله‌ی "كاك كاميل" كة ئه‌رشیڤی شه‌خسیی خۆم بوو. ئه‌وه‌ی هه‌مبوو و نه‌مبوو فه‌وتاندی. 3 رۆژیش خه‌ریك بوون بۆ ریكاوێری هیچ نه‌هاته‌وه‌.

شه‌و له‌ ژووره‌كه‌م دانیشتبووم و له‌ داخان دین و ئیمانم نه‌مابوو. براده‌رێك كوتی باشه‌ بۆ نه‌تانده‌خسته‌ سه‌ر هاڕدێكی جانبی. كوتم كوڕه‌ كاكه‌ هه‌ر له‌ نێوچاوانی نووسرابوو ئه‌و ئه‌رشیڤه‌ی من ده‌بێ بفه‌وتێ. ده‌نا 3 هاردمان هه‌یه‌ كه‌س نازانێ له‌ كوێن.

خۆلاسه‌ له‌و قسانه‌وه‌ هاتینه‌ سه‌ر هارد و شتی وا. براده‌رێكمان كوتی ده‌زانن زه‌رفییه‌تی مێشكی مرۆڤ له‌ هارده‌كانی مایكرۆسۆفتیش زیاتره‌. كوتمان به‌ ڕاست؟ كوتی: وه‌ڵڵا. به‌ وته‌ی ئه‌و براده‌ره‌ مێشكی مرۆڤ ده‌توانێ 80هه‌زار گیگا بایت داتا  له‌ خۆیدا رابگرێ.

براده‌رێك پرسیاری كرد بڵێی مێشكی ئێمه‌ چه‌نده‌ی شت له‌سه‌ر بێ. یه‌كێك له‌ كوڕه‌كان كه‌ پێشتر 8 ساڵ پێشمه‌رگه‌ی كۆمه‌ڵه‌ بووه‌ بێ ئه‌وه‌ی وڵامی پرسیاری ئه‌و براده‌ره‌مان بداته‌وه‌ گوتی: ده‌زانن مێشكی لینین یه‌كێك له‌ چالاكترین مێشكه‌كانی جیهان بووه‌؟ كوتمان: به‌ ڕاستیته‌؟ كوتی: وه‌ڵڵا!! پرسیمان چۆن؟ ئه‌و براده‌ره‌ش كه‌وته‌ شی كردنه‌وه‌ی ئه‌وه‌ كه‌ چۆن سلووله‌كانی مێشكی مرۆڤ كه‌ كار ده‌كا و داتا وه‌رده‌گرێ ره‌نگی ده‌گۆڕێ و له‌ رێگای گۆڕانی ئه‌و سلوولانه‌وه‌ دیار ده‌بێ چه‌نده‌ی شت له‌ سه‌ره‌. ئه‌و براده‌ره‌مان باسی له‌وه‌ش كرد كه‌ پسپۆڕان سه‌یری مێشكی لینینیان كردووه‌ و به‌ پێی گۆڕانی ره‌نگی سلووله‌كانی مێشكی و هه‌روه‌ها لێكدانه‌وه‌ی ئه‌و ژماره‌ زۆره‌ی وتار و بابه‌ته‌ی كه‌ نووسیویه‌تی به‌ تایبه‌ت ئه‌و بابه‌تانه‌ی كه‌ له‌ سه‌ر بابه‌تی تر نووسراون ئاشكرا بووه‌ كه‌ ئه‌و گه‌لێك زۆری كتێب خوێندۆته‌وه‌ و یه‌كجار زۆری شت زانیوه‌.

له‌و كاته‌ دا مه‌لا ناڵبه‌ندی براده‌رمان كه‌ تا ئه‌و كاته‌ بێده‌نگ راكشابوو به‌ ده‌نگێكی هێدی و له‌سه‌رخۆ وتی: وه‌ڵا خۆ لینین پیاوێكی زۆر مه‌زن و باسه‌واد بوو. حه‌یف كۆمه‌ڵه‌ بوو.

مردن زۆر خۆشه، قه‏ت ته‏واو نابێ

ھه‏روا ئاگادارن به‏ینیکه ئه‏م په‏تا پیسه به‏ ناوی سواین فلوو که‏تۆته‏ وڵاته‏وە (نازانم له‏‏و به‏قوڕە گیراوە ئێوە چی پێدەڵین، ھه‏ڵامه‏تی به‏راز؟ ئانفلۆئانزای خووکی؟) ئێستا یه‏ک دوو رۆژە دەنگی نیه‏ به‏ڵام چاکیان جه‏ماعه‏ت تۆقاندبوو. من بۆخۆم تا دەپشمیم زەندەقم دەچوو، دەمگوت ئه‏ھا! بەغەوس خۆیه‏تی! ناحه‏قیشم نیه،‏ رۆژبه‏رۆژ ژماری گرتووەکانی دەچێته سه‏ری و گه‏رچی تا ئێستا لێرە که‏سی نه‏تۆپاندوە به‏ڵام من خۆم دەناسم، شانسم نایکیڵێ، بمگرێ دەمکووژێ. جا بیرم له‏وە دەکردەوە له‏م وڵاته‏ کافرستانه‏ بمرم ھه‏ر دڵیشم دەتۆقێ. ھه‏ر ئه‏وەی له‏ کوێ بمنێژن مه‏سه‏له‏یه‏کی گه‏ورەیه‏. رێگایه‏ک ئه‏ویه‏ بمسووتێنن و خۆڵه‏مێشه‏که‏م پۆست که‏ن بۆ قه‏شمه‏رئاوا به‏ڵام ده‏ترسم یه‏و ھه‏تیوه نه‏گبه‏تانه‏ی ‏ قه‏شمه‏رئاوا پێش ناشتن میزی پێدا که‏ن (له ‏یه‏کێک وه‏ک قوون به‏ گیچه‏ڵ و چیلکه‏پیاو ھیچ به‏عید نیه‏.) ناوه‏ڵا کا‏که! منیش وه‏ک موسوڵمانان بنێژن. ھیمه‏تێک بکه‏ن جه‏نازه‏که‏م بیهێنه‏وه بۆ قه‏شمه‏رئاوا و وه‏ک موسوڵمانان ده‏ خاکی بنێن. با مه‏لا ناڵبه‏ندیش ته‏ڵقینم بکا و پارەیه‏کیشی ده‏سکه‏وێ. به‏لام وه‏ک کولکه‏ مه‏لا له‏گه‏ڵی حیساب که‏ن. نه‏چن زۆری بده‏نێ. جا ئه‏وسا له‏ سه‏ر به‏ردی قه‏بره‏که‏م چی بنووسن؟ ئه‏وه‏ بۆخۆی زۆر گرینگه‏. له‏ جێگایه‏ک خوێندمه‏وه‏ (گراچوا مارکس) کۆمیدیه‏نی ئامریکایی گوتبووی له‏ سه‏ر به‏ردی قه‏برم بنووسن "خه‏جاڵه‏ت خۆم، ناتوانم ھه‏ستم". شه‏وگاری ئه‏مشه‏و من به‏وه پێکه‏نیوم. فیکرم کردەوه‏ گوتم ده‏بێ ھه‏موو قه‏شمه‏ریک له‏ سه‏ر قه‏بره‏که‏ی قسه‏یه‏کی قۆر بنووسن تا قه‏برستان ببێته‏ به‏زم و پێکه‏نین. نازانم شایه‏دیش بتانخاته‏ گریان. به‏ ھه‏ر حاڵ خۆدا نه‏کا ھاتوو مردم، له‏سه‏ر کێله‏که‏ بنووسن " لای به‏غه‏ڵ ده‏ستیم. پێنج ده‏قه‏یکه‏ دیمه‏وه" ‏، جا بمبه‏ن له‏لای قه‏شمه‏رژنێک بمنێژن! پیتان چۆنه‏؟ ھا؟ ئه‏گه‏ریش بۆتان پێک نه‏ھات، له‏ جێه‏کی چۆڵ بمنێژن و ته‏نیا له‏ سه‏ر کێله‏که‏ بنووسن "مردن زۆر خۆشه، قه‏ت ته‏واو نابێ". ھه‏ر ئه‏وه‏نده‏ و ھیچی تر.

                                          

جا ھه‏ر  ئێستا بۆخۆشتان بیری لێ بکه‏نه‏وه‏  له‏ سه‏ر کێلی قه‏برتان چی بنووسن چاکه ده‏نا ره‏نگه‏ تاوێکی تر دره‏نگ بێ.

شووکردن

"     كچ ئه‌گه‌ر تا سه‌رپاییت تێگرت و نه‌كه‌وت،ئه‌وه‌ وه‌ختی‌ شوویه‌تی‌"

                         له‌ وته‌ به‌ نرخه‌كانی‌ "لاله‌ حه‌مكه*"

                        به‌ قۆربانی‌ ئه‌و ده‌مه‌ت بم لاله‌ حه‌مكه‌!

 

*لاله‌ حه‌مكه‌ جیرانمانه‌ و یه‌كێكه‌ له‌ هه‌ره‌ قه‌شمه‌ره‌ به‌ ناوبانگه‌كانی‌ گه‌ره‌كه‌كه‌ی‌ ئێمه‌یه‌‌،به‌ڵام به‌ هۆی‌ ته‌منی‌ زۆرییه‌وه‌، له‌ نووسینی‌ قه‌شمه‌ری‌ ده‌ستی‌ كێشاوه‌ته‌وه‌ و خه‌ریكی‌ نووسینه‌وه‌ی‌ تێكۆشان و بیره‌وه‌رییه‌كانییه‌تی‌ و كۆره‌پانی‌ قه‌شمه‌ری‌ بۆ لاوه‌ قه‌شمه‌ره‌كان چۆڵ كردووه‌ و قووڵ باوه‌ری‌ به‌ ئاڵووگۆری‌ ده‌سه‌ڵات هه‌یه‌.

 ئه‌م دێره‌شی‌ دژی‌ ژنه‌ قه‌شمه‌ره‌كان نییه‌ و تكاتان لێده‌كه‌م له‌و بیره‌ قووڵه‌ی‌ له‌ پشت ئه‌م قسه‌ به‌رزه‌وه‌یه‌ تێرامێنن و له‌ هه‌ر چه‌شنه‌ خوێندنه‌وه‌یه‌ك كه‌ دژ به‌ خه‌باتی‌ درێژخایه‌نی‌ لاله‌ حه‌مكه‌ له‌ پێناوی‌ یه‌كسانی‌ ژنه‌ قه‌شمه‌ و پیاوه‌ قه‌شمه‌ره‌كاندا بێ‌، خۆ بپارێزن.

 

حیزب له وڵاتی ئێمه‏دا !!

"چۆن حیزبێک دامه زرێنین؟"

وڵاتی ئێمه وڵاتێکی فره‏حیزبیه ، به شێوه‏یه‏ک چه‏ندین حیزبی جۆراوجۆر _ که له ژماردن نایه‏ن _ به به‏رنامه و پلانی جیاواز خه‏ریکی کار و تێکۆشانن .
حیزب له وڵاتی ئێمه‏دا رۆڵێکی سه‏ره‏کی ئه‏گێرێ له خافڵاندن و حاواندنه‏وه‏ و جار وباره‏ش ئاژاوه‏نانه‏وه‏ له نێو کۆمه‏ڵانی خه‏ڵک‏دا به شێوه‏یه‏ک لایه‏نگری حیزبه جۆراوجۆره‏کان له سه‏ر حیزبه‏که‏یان لێیان ده‏بێته  شه‏ر و ده‏مه‏قاڵه و ته‏نانه‏ت جاری واش هه‏یه هه‏ر کام یه‏کتر تاوانبار ئه‏که‏ن به جاش و خوێری و ... که پیاو باسی نه‏کا باشتره.
دیاره هه‏ر کام له‏و حیزبانه به پێی وته‏ی خۆیان  99 له سه‏تی کۆمه‏لانی خه‏لکیان له گه‏ڵه و ئه‏و 1 له سه‏ده‏ی تریش که چاو له pmc ئه‏که‏ن، پاش رزگار بوونی وڵاته‏که‏مان دێنه‏وه سه‏رخۆ  و ئه‏بنه لایه‏نگری حیزبه‏که‏یان.

ئێستا با بزانین چۆن حیزبێک دروست که‏ین؟

که‏ره‏سه‏ی پێویست:
1. هه‏بوونی لانیکه‏م 5 که‏س بۆ دامه‏زراندنی کومیته‏ی ناوه‏ندی
2. ئایدۆلۆژی
3. که‏ناڵێکی راگه‏یاندن

جا هه‏ر کام له‏م شتانه به وردی له سه‏ریان ئه‏دوێین:

- لانیکه‏م 5 که‏س بۆ  دامه‏زراندنی کومیته‏ی ناوه‏ندی
هه‏ر حیزبێک پێویستی به ده‏سته‏یه‏کی به‏رێوبه‏ری هه‏یه که له سه‏ر کار و باری حیزبه‏که دانوستان بکه‏ن و له سه‏ر ئه‏و شتانه‏ی به سه‏ڵاحی حیزبه‏که‏یه و له به‏رژه‏وه‏ندی حیزبه‏که ‏دایه دانیشتنیان بێت.سه‏ره‏تا ئه‏بێ که‏سانێک وه‏کوو ده سته‏ی به‏رێوبه‏رایه‏تی هه‏بن بۆ دامه‏زرانی حیزبه‏که.
هه‏وڵ بده‏ن ئه و که‏سانه له نێو خزم  و برا و ئامۆزا و خاڵۆزا و که‏س و کاری خۆتان هه‏ڵبژێرین ، ئه‏گه‏ریش نه‏بوو له نیو ئاشنا و دۆست و ره‏فیق و ده‏ر و جیران بێ باشتره ، چون دنیاکه‏ی وا‏ی لێ‏هاتووه هه‏موو که‏س جێی متمانه نیه !!
بۆ وێنه کاتێک ده‏تانهه‏وێ دووکانێکی گه‏وره‏ بکه‏نه‏‏وه و پێویستیتان به شه‏ریکه وا باشتره شه‏ریکه‏که‏تان له خزمی خۆتان بێ . کاروباری حیزب و رێکخراوی سیاسیش به‏م جۆره‏یه .

- ئایدۆلۆژی
ئایدۆلۆژی ئه‏و بیر و باوه‏رانه ئه‏گرێته‏وه که حیزب باوه‏ڕی پێی هه‏یه و ئه‏یکاته ئامانجی سه‏ره‏کی خۆی و له ئه‏نجامدا به پێی ئه‏وان به‏رنامه‏کانی دائه‏رێژێ.
زۆر گرینگه ئایدۆژیای حیزبه‏که‏تان چی بێ به‏ڵا‏م زۆر گرینگ نیه خۆتان چه‏نده باوه‏رتان پێی هه‏یه و چه‏نده په‏یره‏وی ئه‏که‏ن. بۆ وێنه ئێوه‏ش وه‏ک هه‏موو پارت و رێکخراوه سیاسییه‏کان ئه‏توانن بلێن ئێمه خوازیاری دیمۆکراسی و ئازادین بێ ئه‏‏وه‏ی باوه‏ری توورێکتان پێی بێ. یا خۆ ئه‏توانن شت گه‏لی سه‏یر و سه‏مه‏‏ره‏تر به کار بێنن رایبگه‏یێنن خه‏ڵک له ده‏ست دام و ده‏زگاکانی سه‏رمایه‏داری و بورژوازی سه‏گباب‏خێو رزگار ئه‏که‏ن و به‏ڵێنی ژیانێکی پڕ له شادی و ئاشتی و له‏م قسانه‏یان پێ‏بده‏ن ، خه‏ڵکیش له حاڵێکا تاقه یه‏ک وشه‏ش له قسه‏کانتان تێنه‏گه‏ییشتوون ، سه‏رتان بۆ راوه‏شێنن و بڵێن : به‏ڵێ فه‏رمایشته !!

- که‏ناڵی ئاسمانی
حیزب له وڵاتی ئێمه ئه‏گه‏ر که‏ناڵی ئاسمانی نه‏بێ هه‏ر به حیزبیشی دانانێن. جا بۆیه  که‏ناڵێکی ئاسمانی زۆر گرینگه له پروپاگه‏نده بۆ حیبزبه‏که‏تان تا له‏م رێگه‏وه سه‏رنجی کۆمه‏ڵانی خه‏ڵک راکێشێ. جا بۆ ئه‏م کاره‏ش ئه‏توانن به پێی ئیشتیا و چێژی بینه‏ره‏کانتان به‏رنامه‏ی که‏ناڵه‏که‏تان دارێژن. بۆ وێنه ئه‏توانن بۆ به‏شی فارسییه‏که‏ی براده‏رێکی فارس‏زمان بێنن. ئه‏مه‏ش 2هۆکاری هه‏یه :
1 - تا سه‏رنجی براده‏ره فارسه‏کانمان بۆ لای خۆی راکێشێ و به هه‏ر جۆرێک بێ حاڵیان بکا وه‏ڵلا و بیللا ئێمه‏ش مرۆڤین و مافمان هه‏یه.
2  - له کورده‏واری‏دا بڕوا ناکه‏م که‏سێک هه‏بێ بتوانێ فارسی به باشی قسه بکا و به قه‏ولی خۆمان بێ‏له‏هجه بێ. جا بۆ ئه‏وه‏ی به‏شی فارسییه‏که‏تان نه‏بێته به‏رنامه‏یه‏ک بۆ پێکه‏نین و قه‏شمه‏جاڕی تورک و فارس ، ئه‏وا باشتره براده‏رێکی فارس بێنین تا که متر پێی‏پێبکه‏نن!!

به هه‏ر جۆرێک بێ هه‏وڵ بده‏ن دڵی ئه‏و براده‏ره فارسه راگرن و ته‏نانه‏ت ئه‏گه‏ر قسه‏یه‏کیشی کوت که به دڵی خه‏ڵک نه‏بوو ئێوه به دڵێ مه‏گرن ، نه‏کا بڕوا و که‏سی‏دیکه‏تان گیر نه‏که‏وێ بۆ به‏شی فارسی.
هه‏ر وه‏ها به‏رنامه‏یه‏کی تر که ئه‏توانن له که‏ناڵه‏کانتان به نمایشی ده‏ربێنن ، نیشان دانی گۆرانیه . چون کۆمه‏ڵانی خه‏ڵک زۆر حه‏زیان له گۆرانیه ، بۆ ئه‏وه‏ش ئه‏توانن له‏و کاتانه‏ی که‏ناڵه‏که‏تان ده‏ست پێ‏ده‏کا گۆرانی وه‏سه‏ر خه‏ن هه‏تا ئه‏و کاته‏ی ته‏واو ده‏بێ ، جاروباره‏ش له میانه‏ی گۆرانییه‏کاندا بۆ ئه‏وه‏ی بینه‏رانتان زۆر عاجز نه‏بن چه‏ند کورته هه‏واڵێک بڵاو که‏نه‏وه. ئه‏وه‏ی جێی دڵخۆشییه ئه‏و که‏ناڵه ئه‏توانێ جێی pmc بگرێته‏وه.
ئه‏گه‏ریش پووڵتان نه‏بوو ئه‏وا ئه‏توانن له نیو سه‏عاته‏وه هه‏تا هه‏رچه‏ندێک پێتان خۆش بێ له هه‏ندێ له که‏ناڵه‏کان کاتێکی دیاریکراو به کرێ بگرن و له‏و دا به‏رنامه‏کانتان بڵاو که‏نه‏‏وه ، گرینگ نیه ئه‏و که‏ناڵه‏ی به‏شێكی لێ به کرێ ئه‏گرن سه‏ر به کوێیه و هی کێیه و چ کاره‏یه !! گرینگ خۆتانن خۆتان ! خۆتان خۆش بن !! هه‏ر کات پووڵ و پاره هه‏بوو ئه‏وا که‏ناڵێکی تایبه‏ت بکه‏نه‏وه و له به‏ره‏وه ئێوه‏ش به کرێی ده‏ن!!

ئه‏م شتانه‏ی باسمان لێ‏کردن بۆ دروست کردنی هه‏موو حیزبێك پێویستن، به تایبه‏تی ئه‏گه‏ر له وڵاتی خۆمان بێ. پێویسته ئه‏و خاڵانه‏ی باسی لێ‏کرا به وردی له به‏ر چاو بگیرێ تا هه‏ر چی زیاتر کۆمه‏ڵانی خه‏ڵکی به پشته‏وه بێ!! ئه‏مه‏ش کارێکی نیه ، ئێوه‏ش لا ماوه‏یه‏کی زۆر کورت دا ئه‏توانن 99 له سه‏تی کۆمه‏ڵانی خه‏ڵکتان له گه‏ڵ بێ به‏و مه‏رجه‏ی له باره‏که‏ی بزانن !!

تێبینی : ئه‏گه‏ر گه‏ره‏کتانه له‏م حیزبه تازه‏یه‏دا ببنه ئه‏ندام ، دۆستایه‏تییه‏کی گه‏رم و گوڕ و قورس و  قایم له گه‏ڵ که‏س ساز مه‏که‏ن ! بۆ‏چی؟؟ له به‏ر ئه‏وه‏ی ده‏قه به ده‏قه ئه‏گه‏ری ئینشیعاب و له‏تبوون و شه‏ره‏چه‏قۆ و شه‏ره‏جنێو و فیشه‏ک و فیشه‏ک‏بازی له حیزبه‏که‏تانا هه‏یه و ئه‏گه‏ر رفێقه‏که‏تان له گه‏ڵ ئه‏و لایه‏نه‏ی تر بوو ، ئه‏وا با له رووتان بێ چاو له چاوی که‏ن !!

ته‏واو...

یه‏ک میللۆن ئیمه‏یل بۆ پشتیوانی له قه‏شمه‏رئاوا

"قسه‏یه‏کی جیددی بۆ هه‏موان !!"

هاورێیانی قه‏شمه‏ر
سڵاو
ماوه‏یه‏که وێبلاگی قه‏شمه‏رئاوای نوێ که‏وتۆته به‏ر فیلتێری دڕندانه‏ی نه‏یارانمانه‏وه و به‏‏م کاره‏ گوشارێکی گه‏وره‏یان خستۆته سه‏ر شۆڕشی رزگرایخوازی قه‏شمه‏رانی جیهان به گشتی و قه‏شمه‏رانی قه‏شمه‏رئاوا به تایبه‏تی !!
کاکه با بێین رێگه چاره‏یه‏ک بۆ ئه‏م کێشه‏یه بدۆزینه‏وه!
ئه‏م فیلتێر کردنه دوا به دوای بابه‏ته‏که‏ی کاروان رووی دا ، ئه‏و چه‏ند رۆژه رێژه‏ی هات و چۆ له قه‏شمه‏رئاوا چوبووه سه‏ره‏وه !! له به‏ر ئه‏وه‏ی له‏و بابه‏ته و له بابه‏ته‏کانی پێشوو دا ، بۆ وێنه بابه‏ته‏که‏ی ناسر ، وشه‏ی ...یر و ...وز به کار هاتبوو و ئه‏م شێوه نووسینه‏ش له به‏ر ئه‏وه‏ی وه‏ک شێوه نووسینی فارسییه‏که‏یه‏تی (به تایبه‏تی بۆ سیره‏تی پیاو) و له لایه‏کی تره‏وه به پێی سه‏رچاوه‏یه‏کی باوه‏ڕ پێکراو گوایه رێژه‏ی گه‏ڕان به دوای ئه‏و دوو وشه‏یه له گووگڵ دا زۆر زۆر زۆره و ئه‏مه کارێکی کرد دوای به دوای بابه‏ته‏که‏ی ناسر و کاروان رێژه‏ی دیتنی وێبلاگی قه‏شمه‏ر‏ئاوا له به‏ر ئه‏و وشانه بڕواته سه‏رێ و وێبلاگی قه‏شمه‏رئاوا فیلتێر کرێ !!
هه‏ڵبه‏ت لێره‏دا مه‏به‏ستم چه‏واشه‏کاری یا خود "قوربانی کردنی قوربانی" نیه !! یانی گه‏ره‏کم نیه بڵێم ئه‏وه خه‏تای کاروان و ناسر بوو که ئه‏م وێبلاگه فیلتێر کرا ، به‏ڵکوو ئه‏مه کێشه‏یه‏کی ئاساییه و له جیات ئه‏وه‏ی که‏سێک تاوانبار بکه‏ین وا باشتره رێگه‏ چاره‏یه‏کی بۆ بدۆزینه‏وه !!

من چه‏ندین پێشنیارم هه‏یه :
1 - کاتێ  له ناو خاکی ئێرانه‏وه سه‏ردانی وێبلاگی قه‏شمه‏رئاوا ئه‏که‏‏ی ،چاوت به‏و په‏یامه‏ی خواره‏وه ئه‏که‏وێ :

 

مشترک گرامي

دسترسي به اين سايت امکان پذير نمي باشد
 

در صورتي که اين سايت به اشتباه فيلتر شده است با پست الکترونيکي

 [e-mail]

با درج نام دامنه مورد نظر در موضوع نامه و ارايه توضيحات لازم

مکاتبه فرماييد

به پێی ئه‏و ئیمه‏‏یله‏ی ئه‏وانه داویانه، ره‏نگه ئه‏گه‏ری لابردنی فیلتێره‏که هه‏بێ ، به‏و مه‏رجه‏ی ئێمه له سه‏ر ئیزنی ناسر و کاروان بابه‏ته‏کانیان لابه‏ین !! یان ئه‏گه‏ر بابه‏ته‏کانیشمان لا نه‏برد ئه‏وا ئه‏و بابه‏تانه‏ی ئه‏و دوو وشه‏ئاماژه پێکراوه‏یان تێدا‏یه به‏م شێوه بنووسینه‏وه :   ...یر و ...وز !!
پاشان ئیمه‏یلێکیان بۆ بنێرین !! من داوا ئه‏که‏م هه‏ر کام له ئێمه ئیمه‏یلێک بنێرین و له‏ودا ئاماژه بکه‏ین ئه‏م وێبلاگه وێبلاگێکی گرووهیه تایبه‏ت به ته‏نز  به‏ زمانی کوردی !!

2 - دوای 10 رۆژ کاتێ وه‏ڵامی ئیمه‏یله‏کامانیان نه‏داوه ، ئه‏وا قه‏شمه‏رئاوایه‏کی نوێ دامه‏زرێنین !!

تێبینی :
1- من ناتوانم هیچ کام له بابه‏تی براده‏ران و خوشکانی قه‏شمه‏ر بخوێنمه‏وه و ڕاو بۆچوونیان له سه‏ر‏ده‏ڕبڕم ، به داخه‏وه فیلتێر شێکه‏نێشم نیه !! بۆیه زۆر حه‏زم ده‏کرد خه‏ونه‏که‏ی دژهۆنیم خوێندباوه ، که‏چی هه‏ر نه‏متوانی !! به‏ڵام ئه‏توانم له رێگه‏ی بلاگفاوه بچمه ناو وێبلاگه‏که و دوایین کامێنته‏کان بخوێنمه‏وه !! تکایه با جیددی بکه‏وینه شوێن ئه‏م کێشه‏یه !!!
 
2- ئه‏رکی لابردنی ئه‏و بابه‏تانه یا خۆ سانسۆرکردنی ئه‏و وشانه ئه‏که‏وێته ئه‏ستۆی قه‏یخا یا نووسه‏رانی بابه‏ته‏کان !! یان که‏سێک که پاسۆرد و یۆزێری عه‏سڵی پێیه !!تکایه با زوو ده‏ست به کار بین !!

3- ناردنی ئیمه‏یل ئه‏رکی سه‏ر شانی هه‏موو قه‏شمه‏رێکی به شه‏ره‏ف و رزگاریخوازه تا به‏ڵکوو ئه‏م به‏شه له خاکی قه‏شمه‏رئاوا که ئێمه دانیشتووی ئه‏وێین ،رزگاری بێ !!
 
4- ئه‏توانین بۆ ئه‏وه‏ی هێز و وره‏ی خۆمان به نه‏یارانمان نیشان ده‏ین ، که‏مپه‏ینی یه‏ک میللۆن ئیمه‏یل رێ بخه‏ین !!
ئه‏وانه‏ی سێ چوار ئیمه‏یلیان هه‏یه به هه‏ر سێ چوا ئیمه‏یله‏که بینێرن !! ها ؟ کوره خۆ ماڵته پووڵی تێ‏ناچێ !!

یه‏ک میللۆن ئیمه‏یل بۆ پشتیوانی له قه‏شمه‏رئاوا

به هیوای قه‏شمه‏رئاوایه‏کی بێ سانسۆڕ  و بێ فه‏یلتێر !!
 
میرزا
سه‏رۆکی کومیته‏ی دژه فه‏یله‏تێر له قه‏شمه‏رئاوا
1 /2/3
رۆژهه‏ڵاتی قه‏شمه‏رئاوا